Bihar, martxoak 8, emakumearen nazioarteko eguna denez gero, astean zehar hainbat ekintzatxo egin ditugu.
Atzo goizean bertan Zizurkilgo Fraisoro Ingurumen eta Nekazal laborategian lan egiten duen biologo emakumezko batekin, Amaia Urkolarekin, bideokonferentzia izan genuen, eta LH osoko ikasleok hainbat galdera egiteko aukera izan genuen bere lanaz, laborategiko materialez eta esperimentuez, bere ikasketez, bere lankideez...
Pazientzia handiz eta oso modu argian erantzun zizkigun galdera guztiak Amaiak.
Eskerrik asko, Amaia!!!
Gero, arratsaldean, gurasoekin batera KONPLIZE DITUT ETA abestu genuen gimnasioan, eskola atarian abesteko eguraldi aproposik ez zigun egin eta.
Atzo Zizurkilgo Fraisoroko laborategian egon ginen.
Bertako zientzilarien lanbidea ezagutzera joan ginen, eta esperimentu desberdinak erakutsi zizkiguten.
Lan desberdinak egiten dituzte: landareen eta animalienak gaixotasunak ikertzen dituzte, elikagaiak, lur mota desberdinak eta uraren kutsadura ere bai.
Horretarako froga asko egiten dituzte material desberdinak erabiliz.
Oso ondo pastua genuen eta oso interesgarria iruditu zitzaigun!!!
Ikasturte honetan, Nazioarteko Emakume Lagilearen Egunaren inguruko ekintzen artean "emakume zientzielarietan" egin nahi dugu gogoeta berezia. Emakume zientzilari batzuk eta euren lana ezagutzeko asmoarekin Fraisoro Ingurumen eta Nekazal Laborategiak bistatzera joan gara Lehen hezkuntzako 3, 4, 5 eta 6. mailako ikasleekin.
Otsailak 3rako hitzordua egina genuen, beraz, han agertu gara goizeko 10ak aldera. Bertako zuzendariak hartu gaitu eta laborategien zeregin nagusiak erakutsi ondoren, atal desberdinetara eraman gaitu, bertan egiten dituzten lan ezberdinak erakusteko. Aipatu, laborategiko langileen gehiengo nagusia emakumezkoak osatzen zutela.
Lehenik, ibaietako urak aztertzen dituzten atalera joan gara. Bertan ura analizatzeko erabiltzen dituzten hainbat tresna eta metodo ezberdin erakutsi dizkigute. Harrigarria izan da uraren laginak nahsteko erabiltzen zuten tresna.
Jarraian, animalien laginak aztertzen diren laborategira joan gara. Han, behi baten odolaren lagin bat nola analizatzen duten eta ea inolako gaisotasunik duen ala ez jakiteko ematen dituzten pausoak erakutsi dituzte. Tresna eta robot harrigarriak erabiltzen dituzte.
Hortik landareen laginak aztertzen dituzten laborategira joan gara. Bertan landareak gaixotzen dezaketen kasu ezberdinak erakutsi dizkigu: birisak, bakterioak, onddoak, intsektuak,... Intsektu ezberdinak ikusi ditugu, onddoak, ... baita horiek hainbat landareengan sortarazten gaisotasunak. Azkenik, pinu orratzak lehortarazten dituen onddoaren esporak lupan eta mikroskopioan ikusi ditugu.
Bukatzeko, lurraren konposizioa analizatzen duten laborategira joan gara. Han lurraren laginaren azidotasun mailaren arabera kolorea nola aldatzen zen ikusi dugu.
Oso bisita interesgarria gertatu zaigu. Ikasleak ere oso interesatuta ikusi ditugu.
Datorren ostiralean, martxoak 6, 16:15 inguruan, eskolako atarian elkartuko gara KONPLIZE DITUT ETA abesteko, gure komunitateko emakumezko guztiak konplize ditugula adierazteko.
