IZARRAIZPEKO ZUZENDARITZA TALDEA ESKOLAN

 Otsailaren 6an, Izarraizpe ikastolako zuzendaritza taldeko batzuk etorri ziren.

Hasieran, pixka bat beraiekin hitz egin genuen eta ondoren eskolan nola funtzionatzen zuten esan ziguten.

Eta geroxeago bideo bat erakutsi ziguten Izarraizpe barrutik eta kanpotik ezagutzeko.

Julen eta Joanes.

SANTA ESKEA

 Otsailaren 4an, Santa Eskea ospatu genuen.

Hasieran, gurasoen aurrean abestu genuen.

Gurasoei abestu eta gero, Borondegira joan ginen abestera. Gailetak eman zizkiguten.

Aurten, Letea auzotik zehar ibili ginen. Aldapa asko zegoen, baina hala ere oso ondo ibili ginen.

Letea auzoa bukatzeko, Letera joan ginen abestera. Abestu eta gero Letekoak hamaiketako ederra eman zigun:  txistorra, azeitunak, rabak, kroketak...

Oso ondo pasatu genuen!!!

UXUE ETA LAURA

ANTXINE MENDIZABAL IDAZLEA ESKOLAN

Otsailaren 24an, Antxine Mendizabal etorri zitzaigun bere liburu bilduma erakustera eta liburuei buruz hitz egitera. 

 

 

Guk  bere liburu  bat irakurri genuen eskolan ( Pintzesa eta Ergela). Liburu horri buruz ere asko hitz egin genuen. Galdera asko egin genizkion liburuari buruz.

Oso ondo pasa genuen!

Iraia eta Nora.

ORKESTRA MIRAMONEN LH1-2 HH4-5

Otsailaren 10ean, LH 1-2 eta HH 4-5ko ikasleak Donostiara joan ziren, Orkestra Sinfonikoak entsaiatzen duen lekura, kontzertu bat entzutera.

Lau instrumentu erakutsi zizkieten: txirula, tronpa, fagota eta zeharkako txirula.

Ondoren,  Lorea eta Nailak Erpurutxo ipuina antzeztu zuten hitz egin gabe. 

Goiza bukatzeko,  Añorgako frontoira  joan ziren bazkaltzera eta jolastera.

 

XUHAR AGIRREZABALA.

EMAKUMEAREN EGUNA ESKOLAN

 Martxoaren 6an, eskolan Emakumearen Eguna ospatu genuen. 8a igandea zelako.

 Mezu batzuk idatzi genituen eta eskola aurrean  jarri genituen. 

Eta arratsaldean emanaldi  bat egin genuen gurasoentzat: Emakume jaio nintzen eta Marimore abestiak .

Xuhar Agirrezabala

 

URAITZ ETA AMETS GELAN

 Urtarrilaren 30ean Uraitz eta Amets etorri ziren gelara, Ikasberriri buruz hitz egitera.

Esan zigun oso gustora dabiltzala Ikasberrin, irakasleak onak edo txarrak ziren ere esan ziguten.

Guri gogoa sartu zitzaigun Ikasberrira joateko.

 Gainera klaseak goizez bakarrik dira eta bi errekreo dituztela esan ziguten.

Oso gustora egon ginen Uraitz eta Ametsekin.

Oinatz-Aratz

AMETS BAT ETA AQUARIUMA

 Atzo, martxoak 26, Anoetara joan ginen,LHko guztiok.

Ikusten duzuen bezala, bi belar mota daude: bat  belar naturala da eta bestea artifiziala. Begiraleak esan zigun ezin zela belar naturala  ikutu, bakarrik artifiziala.

Anoeta barrutik bixitatu genuen eta beraien aldagelak erakutsi zizkiguten.

Gero, Paco Yoldi kiroldegira joan ginen jolas batzuk egitera.

Bazkaldu ondoren Aquariumera joan ginen arrainak ikustera.

Ederrena marrazoa izan zen!

Oso ondo pasa genuen!



Aratz-Oinatz.
 

IHES GELA BIDANIA-GOIATZEN LH5-LH6

 Martxoaren 4an, Bidanira joan ginen ihes gela bat egitera emakumearen eguna ospatzeko Errezilgo, Bidaniko eta Albizturko LH 5-6ko ikasleok.

Lau talde egitn genituen urdinak, horiak berdeak eta arroxak.

Lau jolas egin genituen dardoak, esaldiak deszifratu,pinponeko pilotak saskiratzea eta pistola batekin hitzak jotzea.

Oso ondo pasa genuen!

                                                                                                                           Harri eta Unai

TIPI-TAPA 7.saioa

 Otsailaren 26an, osteguna, TIPI-TAPA eduki genuen.

Ozkarteko obra ikustera joan ginen Harri, Joanes, Agoitz eta Unai, etxe berri bat egiten ari dira eta.

 Obra ikusi eta gero, Borondegin pintxoa jan genuen Iker, Mailuxa, Pili, Gloria, Manuel, Petra, Maxux eta beste batzuekin batera.

Beti bezala, oso ondo ibili ginen!

                                                                                                                                     Harri eta Unai.

SEXU HEZKUNTZA LH5-LH6 IKASLEEKIN

 Otsailaren 9, 10 eta 11n, Sexu Hezkuntza eduki genuen LH5 6ko ikasleok.

Ania etorri zen Sexuaren saioa ematera.

Aniak gauza asko erakutsi zizkigun. Adibidez, nola edukitzen den umea, eta neskei nola jaisten zaien hilekoa  eta mutilei semena. 

Asko ikasi genuen eta oso ondo pasa genuen Aniarekin.

Nora eta Iraia.

INAUTERIAK ESKOLAN

 Otsailaren 13an, Inauteriak ospatu genituen eskolan.

 

Goizean, Santa Eskean jasotako janariekin hamaiketako berezi bat egin genuen: patatak, pazientziak, xuguxak ...

Oso goxoa zegoen dena!

Hamaiketakoa eta gero, "Talent show" egin genuen. Gauza asko egin genituen: antzerkiak, gimnasia ritmikoa, parkourra, abestu, dantzatu ...

Arratsaldean, denok mozorrotu egin ginen. Berez Altxorraren Bila egin behar genuen, baina eguraldiarengatik ezin izan genuen egin. Horregatik, irakasleek eskolan zehar jolas desberdinak antolatu zituzten: txapa jolasa, "just dance" margotu eta esku eta hankekin jolas bat egin genuen.

HH koek, gimnasioan jolas desberdinak egin zituzten koltxoneta eta uztaiekin.

Jolasak baino lehenago, argazkiak atera genituen gelaz gela. Hau HH 2-3ko gela da!

Hemen HH 4-5 eko ikasleak!

Hemen LH 5-6 ko ikasleak !!

Argazki asko atera genituen: Oso ona izen zen!

Hemen daude gure irakasleak ! Oso ondo pasa genuen. Jolasak izen ziren onenak!

UXUE ETA LAURA

KORRIKA TXIKIA

 Martxoaren 24an, LHko denok eta HHko ikasle guztiok Korrika Txikia egin genuen. Lehenengo gela guztiok argazkiak atera genituen. 

 

    

LH 5-6ko ikasleak hasi ziren San Josen.

 LH 3-4koek eskolan hartu zuten lekukoa.

LH 1-2koek Borondegi aurrean hasi ziren.

 HH 4-5koek Goiko plazan hartu zuten lekukoa eta HH 2-3koek frontoi aurrean.                    

                           

       

Gero eskolako parkean LH 5-6koak bertsoak kantatu genituen eta Zetaken korrikako kanta kantatu eta dantzatu genuen.

Julen.