SAN MARTIN HERRI ESKOLA
KONTINGENTZIA PLANA, COVID-19
2021-2022 ikasturtea
SARRERA
San Martin Herri Eskola osatzen dugun kide guztion osasun eskubideak bermatu eta gure lana ahalik eta modu seguru eta eraginkorrenean garatu ahal izateko, kontingentzia plana osatu dugu.
Plan hau dinamikoa izango da eta beraz, osasun baldintzek eragingo dituzten aldaketei irekia.
ESKOLAKO FUNTZIONAMENDURAKO ERABAKIAK
Segurtasun neurri orokorrak:
● Eskolara etorri aurretik, etxean tenperatura hartu behar dugu.
● Koronabirusaren sintomak: 37 gradutik gorako sukarra, eztul lehorra, eztarriko mina, arnasa hartzeko zailtasuna, usainik edo dastamenik ez izatea.
● Sukarra edo aipatutako sintomaren bat badu, umea etxean geratuko da. Gurasoak Osasun Zentrora deituko du eta baita eskolara ere.
● Eskolan sintomak agertuz gero: ikaslea isolatu eta etxekoei deituko zaie, eskolara umearen bila etor daitezen.
● Sarrera eskolara:
o Eskolaren funtzionamendu egokirako ordurako etortzea eskatzen da.
o Ikasleak atarian ilaran jarriko dira bakoitzari dagokion zutabearen parean eta segurtasun tartea utziz. Ez dugu tenperaturarik hartuko, beraz, garrantzitsua da etxean hartuta etortzea.
o Ikasleak gurasorik gabe sartuko dira eskolara, 2-3 urtekoak izan ezik.
o Goiko solairura helduleku aldetik igoko gara ilaran eta poliki.
. Eskuen garbiketa: berebiziko garrantzia emango diogu eta sarri garbituko ditugu:
✔ Eskolara etorri aurretik
✔ Eskolara sartzean
✔ Gela batetik bestera joatean
✔ Jolasgarai aurretik eta ondoren
✔ Etxera joan aurretik
- 2-3 urtekoek gelan garbituko dituzte.
- 4-5 urtekoak goiko ezkerreko komunera joango dira ur eta xaboiez garbitzera.
- LHkoek gelako sarreran edukiko duten gel hidroalkoholikoa erabiliko dute. Jolas ordu ondorenean ur eta xaboiez garbituko dituzte.
● Irteera gelatik: gelan dagoen irakaslearekin jaitsiko dira horma aldetik ilaran eta poliki.
Prebentzio neurriak eskolako espazioetan:
● Geletan:
o Segurtasun tartea: ikasleek ez dute segurtasun tarterik gordeko burbuilak errespetatzen diren bitartean.
o Maskara:
- HHko ikasleei ez zaie eskatuko janztea.
- LHkoek jantzita ibili behar dute.
- Ikasle bakoitzak bere maskara ekarriko du etxetik.
o Aireztapena: garrantzitsua da espazio guztiak aireztatzea eta maiz zabalduko ditugu ate eta leihoak.
o Materiala:
- Ikasle bakoitzak bere materiala erabiliko du ahal den neurrian. Eskolan emango zaio material gehiena.
● Jolasgaraian:
o HHkoak batera ibiliko dira; ahal den guztietan kanpoan egingo dute jolas.
o LHkoentzat hiru gune jarriko ditugu -patioa, frontoia eta gimnasioa+beheko aterpea- eta errotazio bidez txandaka joango dira batera eta bestera.
o LHko 3. mailatik gorakoek elkarrekin ibiltzeko aukera izango dute eta errotazioaren arabera dagozkien bi guneetako batera joateko moduan izango dira.
o Gune bakoitzean material sorta bat erabiliko da, eta ostiralero desinfektatu egingo ditugu.
● Jangelan:
o Bazkaltiarrak burbuilak errespetatuz jarriko dira mahaietan.
● Gune komunak: eskolako gela guztiak erabiliko dira.
o Pasilloak: poliki ibiliko gara eta ez gara bertan geldituko pilaketak ekiditeko.
o Ingeleseko gela: ondoko jarduerak egiteko ibiliko dugu:
▪ Zaintza zerbitzua
▪ Klaustro bilerak
▪ Irakasle eta gurasoen arteko bilerak
▪ 4-5 urtekoen ingelesa
▪ Mekanografia
▪ Robotika
▪ Informatika
Jarduera horien aurretik eta ondoren, eskuak garbituko ditugu.
o Gimnasioa: eguraldi txarra denean jolaserako (jolasgaraian eta bazkalondoan) eta Gorputz Hezkuntzarako ibiliko dugu. Psikomotrizitate saioak ere bertan egingo dira.
Ahalik eta material gutxien erabiltzen saiatuko gara eta eskuak garbituko ditugu bertan ibili aurretik eta ondoren.
o Patioa: jarduera desberdinetarako ibiliko dugu eta saiatuko gara ahalik eta material gutxien erabiltzen.
o Komunak:
▪ Ikasle talde bakoitzari komun bat esleituko zaio, bai goiko solairuan, bai behean.
▪ Ikasleen komunak eguerdian ere garbituko dira.
Prebentzio neurriak eskolaz kanpoko jardueretan:
Erakunde antolatzailea izango da eskolaz kanpoko jardueren planaren arduraduna,
Eskola barruan antolatuko direnetan ondorengoa betetzea eskatuko zaie:
● Bizikidetza talde egonkorrak –burbuilak- errespetatzea.
● Eskuak garbitzea eskolara sartu orduko.
● Beren materiala soilik erabiltzea.
Tutoretza eta harremanak:
-Urriko lehen astean egingo dira geletako bilerak.
-Familiekin harremana bermatu behar dugu.
- Ikasleen egoera emozionalaren lanketari ekingo diogu.
-Talde kohesiorako dinamikak sustatzeko ekintzak planifikatuko ditugu.
-Irakasleen arteko koordinazioa indartuko dugu.
ITXIALDIAN
Balizko etxeratzeari begira hartutako erabakiak:
● Guraso eta ikasleekin harremanetan jarraituko dugu. Horretarako biderik egokienak aztertu eta erabakiko ditugu gurasoekin batera.
● Ikasleen ongizate emozionala zaintzeko bideak jorratuko ditugu.
● Hezkuntza-jarduerei eutsiko diegu:
-HH eta LH1-2:
o itxialdia laburra denean, irakurketa, idazketa eta matematikaren irakaskuntza lehenetsiko dugu:
▪ HH 4-5 urtekoei gelan egiten ari garena egin ahal izateko material manipulagarria emango diegu eta baita lan idatziak ere.
▪ LH1-2koei fotokopiak eta txostenak emango zaizkie.
● itxialdia luzea bada, bai HHkoei eta baita 1. eta 2. mailakoei ere, on-line bidezko hezkuntza arreta emango zaie. 1. eta 2. mailakoei egunero bi arlotako lanketa emango zaie eta horretarako irakasleon arteko txandak erabakiko ditugu.
-LH3-4:
● Liveworksheet-en hiru koaderno izango dituzte:
○ euskara, gaztelania, matematika eta natur zientziak
○ ingelesa
○ musika
Gorputz Hezkuntzakoak erronkaren bat jarriko die.
Eduki berrien azalpenak helaraziko zaizkie.
Horrez gain, lanen bat bidal daiteke emailez ere.
-LH5-6: Ikasgela plataforma erabiliko dugu.
-INak dituztenek PTaren arreta jasoko dute.
o Plataforma digitalen bitartez lan egin ahal izateko, 1. hiruhilekoan prestaketa saioak egingo dira.
● Programazioak eta ebaluazioa egokituko ditugu.
iruzkinik ez:
Argitaratu iruzkina