2021-06-18

DINAMOA, SORMEN GUNEA

Ostiralean Azpeitiko Dinamoa sormen gunea ezagutzera jaitsi ginen, Kulturaz taldekoek gonbidatuta.


Lehenengo lokalak erakutsi zizkigun Ondarruk eta gero Mikelek serigrafia nola egiten den azaldu zigun pausuz pausu; azkenik geure poltsatxoa serigrafiatu genuen.


Ederki ibili ginen!!! 


3.zikloa

ONDO IBILI UDAKO OPORRETAN!

Ondo-ondo ibili udako oporretan! 

Gozatu familian atseden egun hauek, eta indarberrituta bueltatu irailaren 8rako!

Eskolako irakasle guztiak





2021-06-17

ORION

 




ATUBUSAETA  ARTU  ORIORA JOAN   GINEN.
ITSASOAN   IIBIL ETA GEO K ARAMARROAK        ARRAPATZEA     IZAN ZEN     ONENA.
HH-LH1-2

2021-06-16

LH6koen AGURRA

Gaur eskolako irakasle eta ikasle guztiok elkartu gara frontoian LH6ko Alaitz, Iker, Aitor, Ander, June, Alaitz, Amane eta Enaitzi agur esateko. 

Elkarri oroigarriak eskaini eta gustura pasatu dugu tartea elkarrekin. 

Hori bai, datorren urtean guregana bisitan etortzea espero dugu, koadrilla!

Ondo-ondo hasi ibilbide berria!!!


UROLA EZAGUTUZ

Atzo, ekainak 15, Urolan izan ginen LH5-6koak. 


Gorkak, Urolako 1.zikloko koordinatzaileak, institutuko txoko gehientsuenak erakutsi zizkigun: ikasgela arruntak, tekno-gela, plastika-gela, patioak, gimnasioa, jantokia, zuzendaritza,...


Handi-handia da Urola gure eskolaren aldean, baina atzoko bisitan hainbat gomendio eman zizkigun Gorkak eta seguru ondo moldatuko garela. 


Gainera, sorpresa ederra ere izan genuen, ikaskide ohi birekin  elkartu ginen bertan eta!!!


Bueltako autobusa hartu aurretik, Garmendiko parke batean egin genuen hamaiketakoa eta gustura egon ginen itzaletan.


3.zikloko ikasleak




2021-06-14

ERREKARA!

 Ekainaren 8an Errezil erreka aztertzera joan ginen Baldara eta Sastondora. Ibaialde proiektuan parte hartuz, bertako ura aztertu eta inguruko paisaia eta landaredia behatu genituen. Eguraldi ederra egiten zuenez, errekan bainu ederra hartzeko ere aprobetxatu genuen ur fresko-freskoarekin!







!


ESKOLA TXIKIEN LEKUKOA

     Atzo, ekainak 13, Etumetan izan ginen Eskola Txikien lekukoa jasotzen aizarnarren eskutik. 


     Eskolako ikaslerik zaharrenak, Alaitz Goenagak, eta gazteenak, Xuban Riegerrek, hartu zuten egurrezko lekuko dotorea.


    Ederki ibili ginen txistulari, dantzari, tikitilari eta bertsolari artean, eta mokadutxo bat jateko aukera ere izan genuen.


   Erronka handia dugu datorren urterako, baina denon artean lortuko dugu  ESKOLA TXIKIEN FESTA polit bat antolatzea!!!


GORA ESKOLA TXIKIAK!!!










2021-06-11

Adivinanzas de primavera

Aquí tenéis la tercera y última edición de las adivinanzas que hemos preparado en el tercer ciclo. ¡A  disfrutarlas!





  

2021-06-10

LH5-6koen BERTSO SAIOA


Maiatzaren 28an LH5-6ko ikasleek bertso-saioa eskaini zuten frontoian, ikasturtean zehar Irati Artetxerekin ikasitakoa praktikan jarriz.

Sekulako emanaldia eskaini ziguten eskolako ikasle nagusiek!

Hona hemen jaialdiko bideoa:



2021-06-04

AIZARNARRAK eta ERREZILDARRAK batera ingelesez

Gaur goizean Aizarnako eskolako 3.zikloko ikasleekin elkartu gara bideo-dei baten bidez, talde bakoitzak bere herriaren aurkezpena ingelesez egiteko asmotan.

Ondoren, Kahoot eta Quizizz jolasak egin ditugu jasotako informazioari buruzko galderak erantzunez.







Oso gustura ibili gara aizarnarrekin, eta hainbat kontu ikasi ditugu Aizarnari buruz!

                                    3.zikloko ikasleak


Hauxe izan da gure aurkezpena:


MUTXATEGIN


 Maiatzaren    28an   mutxategira    igo ginen.

bidean landare eta zuhaitz polita ikuzi genituen. astigarrak, haritzak, lizarrak, izeieiak, pagoak,gorotiak...
antenan  hamaiketakoa  egin  genuen. jolasean ibili ginen. karrerak egingenituuen..
oso  goiz  polita  pasa  genuen.
LH 1-2

2021-06-03

GORA AIZARNA!!!

Badakizue ekainaren 13an Eskolako Txikietako Festa izango dela Aizarnan, ezta? 

Aurten baina, dugun egoeragatik, ez da betiko moldean ospatuko, baina guk geure animoa eta atxikipena bidali nahi izan diogu Aizarnako eskola komunitateari.

Hori dela eta, Imanol Lazkanok sortu digun bertso eder hau abestu eta grabatu dugu gaur eskolako patioan,  aizarnarrei bidaltzeko.

GORA AIZARNA, GORA ERREZIL, ETA GORA ESKOLA TXIKIAK!!!!!!!!!!!!!!!!




2021-06-02

JAGO-MAGO ERREZILEN

 maiatzaren 31n Iago-mago etorri zitzaigun eskolara. hamar magia egin zizkigun eta denak ozo politak.

 sokak,  kartak , zapiak, dadoak, pelotak , kopak, kutxak, txapela eta limoiak erabiliz arrituta  

gerauginen.

 oso ondo pasa genuen.

LH 1-2



2021-05-28

LIBURUEN ALTXORRA

Asteazkenean  Imanol Galtzagorri elkarteko kidea etorri zitzaigun eskolara, liburuz betetako kutxa ekartzera. Liburuok eskolan bertan edota etxean irakurtzeko aukera dugu.


Ekainaren 16ra arte izango dugu altxor eder hau gure artean, hortaz,  badakizue, aukeratu gustuko liburua eta ..... gozatu!!!


Hona hemen eskolako txikienak Imanolek egindako aurkezpenean.







2021-05-27

NUESTRO MURAL DE LOS ANIMALES ACUÁTICOS


 

NADANDO POR EL MAR

 


2021-05-25

HH 4-5 eta LH1-2KOAK ALBAOLAN ETA GALAXY PARKEN


Maiatzaren 21ean albaolara juanginen.  tzalupas juanginen. 
gausak berriak ikasigenituen. 

AÑORGAN BAKADU GENUEN.
GALASI  PAKERA JOAN GINE. ASKO  JOLASTU  GENUEN.
Galaksipark  onena   izan  da.  



 

2021-05-24

Albaolara joan gara San Juan baleontzia ikustera

    Maiatzak 21ean Albaolara joan ginen San Juan baleontzia ikustera HH 4 urteko ikasleetatik LH6. maila bitarteko ikasleak. 

    Lehendabizi Pasaiko portura iritsi ginen eta bertan hamaiketakoa egin eta Albaolara abiatu ginen txalupa batean. Iritsi ginenean sarreran elkartu ginen Laura gidariarekin. Bisitaren arauak azaldu zizkigun eta San Juan baleontziari buruz hitz egin zigun. 
    
     Hasieran esplikatu zigun zer bide egiten zuen San Juan baleontziak Ternuara iristeko. Gero, baleontzia noiz eta non hondoratu zen erakutsi zigun. Hurrengo gelan San Juan baleontziaren maketa ikusi genuen. Jarraiko gelan zer zuhaitzekin egiten zituzten esan zigun. Haritza eta pagoa erabiltzen zituzten bustitakoan ez zirelako usteltzen. Errementariek egindako iltzeekin elkartzen zituzten egurrezko piezak. Egurren artean geratzen ziren tarteak galipotan bustitako kalamuarekin estaltzen zituzten. San Juan baleontziak 6.000 metro soka edukitzen zituen eskalak egiteko. Ondoren, janaz eta edanaz hitz egin zigun. 43.200 litro sagardo eramaten zituzten bidaia guztirako. Bertako indioekin euskeraz hitz egiten zuten. Baleontzian zeramatzaten kupel guztiak olioz betetzeko 25 bale ehizatu behar zituzten.

    Azalpenak entzun ondoren, tailerrera joan ginen. Bertan itsasontziak nola egiten diren erakusteko eskola bat dute eta bertara kanpoko jende asko joaten da. Ikastaroak 3 urte irauten ditu. Greziar bat eta italiar bat ari ziren lanean gu han geunden bitartean. Tailerretik San Juan baleontzia ikustera joan ginen. 7 urte daramatzate baleontzia egiten eta beste 2 edo 3 urte geratzen zaizkie bukatzeko. 

    Laura agurtu  ondoren itzuli ginen berriz ere txalupan Pasaiko portura. Autobusa hartu eta Añorgako frontoira joan ginen bazkaltzera. Bazkaldu eta gero pixka batean jolastu  egin genuen. 

    Berriz ere autobusera sartu eta Galaxy Parkera joan ginen. Bertan oso gustora ibili ginen eta bertakoak ere oso jatorrak ziren. 

    Hiru terdiak aldera autobusera igo eta Errezilera bueltatu ginen nekatuta baino gustora.








    




2021-05-20

IKASLE OHIEN BISITA

Atzo, maiatzak 19, DBH1 eta DBH2ko ikasle ohiak etorri zitzaizkigun Urolako kontuen berri ematera: bertako ordutegia, arloak, irakasleak, arauak... azaldu zizkiguten, eta hainbat gomendio eman ere egunerokoan ondo eta eroso aritzeko.

Oso gustura izan ginen euren kontuak entzuten!

Eskerrik asko, Alejandro, Urko, Alaine, Nahia, Jon, Jurgi, Adei, Nahikari, Iraide Carrera eta Iraide Labaka!

Eta laster gara, berriz ere, elkarrekin!!!!!😀



2021-05-19

DONOSTIAN MAIATZAREN 14AN


Maiatzaren 14ean Donostira joan ginen. lehenengo itsas museora. 
Bertan  Euskal balearen  ehiza  kontatu   ziguten. Urgulen  bazkaldu  genuen.KANOIAK IKUSI ETA IKUTU GENITU. Bazkaldu  tagero aquariumera  sartu  ginen. ARRAI ASKO IKUSI  GENITUEN.
Aquariumetik irten eta parkera joan ginen. Oso polita zen.
Ederki pasa genuen.
 

2021-05-18

BALE-EHIZA

 Aspaldi-aspaldiko kontuak gogora ekarriz, baleak ehizatu ditugu gelan.




IZAN ZAITEZ ZEU!

Atzo, maiatzak 17, "Izan zaitez zeu!" lelopean ospatu genuen eguna, bakoitza den bezalakoa dela eta elkar errespetatu behar dugula aldarrikatuz.


 Aniztasuna aberastasuna da, eta gutako bakoitza ale txiki bat baino ez aniztasun horren barruan. Hori irudikatzeko borobil handi bat osatu genuen guztion argazkiekin.



Gainera, geletan gaiaren inguruan lanketa egin ostean, denon artean ostadarraren kolorez apaindu genuen hurrengo horma-irudia bakoitzak bere ezaugarriak adieraziz.

 

2021-05-13

2021-05-10

ERREZIL EZAGUTZEN

 Maiatzaren 7an eskolatik Baldara joan ginen HHkoekin eta 1. eta 2. mailako ikasleekin.

Gustura ibili ginen lore artean bideko baserrien izenak aipatuz.




2021-04-26

EKOETXE ETA IGARA ERROTARA IRTEERA

     Aurreko artikuluan esan genuen bezala, hirugarren hiruhileko honetan ENERGIA gaia landuko dugu LH3-4 eta LH5-6n.

     Hori dela eta, apirilaren 8an Azpeitiko Ekoetxe zentroan izan ginen, energiaren inguruko tailer batzuk egin eta Loiolako Igarako errota uraren indarrari esker nola ibiltzen den ikustera.


 

     Gela bakoitzarekin talde bana egin eta, talde batek Ekoetxeko tailerra egiten zuen bitartean, beste taldeak Igarako errota ikusteko aukera izan genuen. 

     Ekoetxen egin genuen tailerrean "egun bat energiarik gabe" imajinatu behar genuen eta Errezilgo eskolan, dendan eta bakoitzaren etxean nola moldatu gaitezken egun oso batean argindarra, gasa edota gasolinarik gabe.

 


 



      Bitartean, beste taldeak Igarako errota martxan ikusteko aukera ikusi genuen eta uraren indarra erabiliz arto-irina nola egiten zen ikustekoa. oso interesgarria egin zitzaigun.

 

 



 



 

 

 

 

 

2021-04-25

ENERGIA IBILBIDEA

Hirugarren hiruhileko honetan ENERGIA gaia landuko dugu LH3-4 eta LH5-6n.

Hori dela eta, apirilaren 8an Azpeitiko Ekogune zentroan izan ginen, energiaren inguruko tailer batzuk egin eta Loiolako Igarako errota uraren indarrari esker nola ibiltzen den ikustera.

Bestalde, eskolan bertan ere Energiaren Ibilbidea egin genuen Xeberorekin eskolan zehar, Euronet 50x50 programaren barruan.



Lehenengo, eskola aurrean elkartu ginen eta han eskolara argindarra eta gasa nondik etortzen diren azaldu zigun Xeberok.

Gero, galdara-gelara joan ginen eta han Xeberok azaldu zigun gasari esker eskolako berogailuak berotzen direla eta baita sukaldeko eta dutxetako ura ere.
Argi eta garbi esan zigun iturrietako ura eta berogailuetako ura ezin direla nahastu eta horregatik tubo desbesberdinetatik joaten dira ur horiek.




 
Gero kuadro elektrikoak erakutsi zizkigun. Eskolan 3 kuadro elektriko daude, 1 solairu bakoitzean. Kuadro elektrikoei esker dakigu eskolako argi guztiak ondo dabiltzan ala ez eta aberiaren bat baldin badago hor begiratu behar dugu.
 

Bukatzeko jangelako eta Eliren gelako argiztapena (fluoreszenteak, LED bonbilak,..), berokuntza sistema (erradiadoreak eta bakoitzen tamaina) eta tresna elektrikoak (ordenagailuak, arbel digitala, inprimagailua,...) aztertu genituen. 
 



Eskerrik asko, Xebero, erakutsi diguzun guztiagatik!!!
LH3-4 eta LH5-6

LIBURUAREN EGUNA

Ostiralean, apirilak 23, Liburuaren Nazioarteko Eguna izan zen eta geuk ere aparteko kolorea eskaini genion egunari eskolan.


Batetik, goizean hainbat ipuin entzuteko parada izan zuten ikasle guztiek bai euskaraz, bai gaztelaniaz bai ingelesez.


Ondorengo ipuinak irakurri genituen irakasleok:

-HH2-3 eta HH4-5: "Untxitxo txuria" eta "Otsoa eta 7 antxumeak".

-LH1-2: "Xomorropoemak", "Tonino", "Loreren ibilaldia" eta "Los músicos de Bremen".

-LH3-4: "Bidelapurrak", "El ruiseñor" eta "The smartest giant in town".

-LH5-6: "Motz, Urbasako pottoka" eta "Miñan".


Bestetik, eskola atarian "Gure liburu kuttunak" erakusketa antolatu genuen, ikasle, guraso eta irakasleon gustuko liburuak erakutsiz. Egunean zehar taldetan jaitsi ginen erakusgai zeuden liburuak ikusi eta aztertzera.










2021-04-23

ERREKA MARI, EUSKAL HERRIKO AZKEN LAMIA

Asteazkenean, apirilak 21, Borondegin izan ginen "Erreka Mari, Euskal Herriko azken lamia" txotxongilo emanaldia ikusten. 
Izugarri gustatu zitzaigun Enkarni Genuaren ikuskizuna, eta gustu-gustura ikusi eta entzun genuen Martin, Erreka Mari, Agustina eta Kattalinen istorioa!!!



   


 Emanaldia bukatutakoan, ikasle nagusiek galdera batzuk egin zizkioten Enkarniri. 
Ikus ezazue ondorengo bideoa, bertan kontu interesgarriak entzuteko aukera izango duzue eta!!! 
 Eskerrik asko, Enkarni!!!!



 


Eta gogoratu Erreka Mariren irakaspen garrantzitsua: batetik, gure inguruko erreka eta ibaiak garbi-garbi mantendu behar ditugula, eta bestetik, guztiok garela garen modukoak, desberdinak bata bestearengandik, baina beti elkar errespetatu behar dugula!!!!

2021-03-25

GURE KOMIKIAK

 KAIXO  GUZTIOI:

    ASTE SANTUKO OPORRAK IRITSI ZAIZKIGU  ETA  HAUEKIN  BATERA  HAINBAT  LAN  ERAKUSGAI  JARTZEKO  GARAIA. 

HONA  HEMEN  LH1-2 GELAKO IKASLEEK ASMATUTAKO  KOMIKIAK. 

EA  ZER  IRUDITZEN  ZAZIKIZUEN!!!




Orkestra Sinfonikoa

 Hiruhilabete honetan Euskadiko Orkestra Sinfonikoak eskaintzen duen kontzertura joan behar genuen, baina bertan behera geratu zen azkenean. 

Hala ere, guk gaia lantzen jarraitu dugu eta orkestra sinfonikoan agertzen diren instrumentu ezberdinak ezagutu eta maketa modukoa egin dugu bakoitza dagokion lekuan kokatuz. 





Esku Jolasa

 Kaixo!

Musikan hiruhilabete honetan KOKOLEOKO izeneko kantu afrikarra landu dugu eta horretarako esku-jolasa ikasi dugu. 

Begira zeinen ondo atera zitzaigun!



2021-03-23

AUPA ERREALA!

         Gaur Realeko eta Errezilgo udaleko ordezkariek banderak trukatu dituzte Goiko Plazan.


            Realekoek bandera txuri-urdina utzi dute herrian eta udaleko ordezkariek Errezilgo bandera eman diete; gure bandera Sevillara eramango dute jokalariek Gipuzkoako beste herri guztietako banderekin batera. Realeko bandera, berriz, udaletxeko balkoian eskegiko dute taldeari babesa eta berotasuna emateko.
    
    Geu ere bertan izan gara eta argazki batzuk atera ditugu Realeko autobus parean, bandera biak eskuan.


Aupa Erreala! 
Eta irabaz dezala onenak😉!!!!





2021-03-22

LEGOrekin eraikitako tramankuluak

     Artikulu honetan LH 5 eta 6. mailako ikasleek LEGO  piezekin osatu dituzten modeloak  nola funtzionatzen duten erakutsi nahi dizuegu.     

 

      Ikasturte hasieran  ikasleekin "ROBOTIKA" programazioa lantzeko erabakia hartu genuen.  Programazioa lantzeko,  iazko ikasturtetik  STUDIO:CODE  erabiltzen ari ginen, ikasleek irudi batek guk egin nahi genuena burutzeko jarraitu beharreko agindu-sekuentzia asmatzen ikasteko.

 

      Azken hiruhileko honetan, ROBOTIKA lantzeko,  ikasleak taldetan banatu ditugu eta taldetxo bakoitzak LEGO piezekin eredu bat osatu eta programazio berezi bat asmatuta, eredu horiek mugitu araztea lortu dugu. 

 

      Hemen dituzue osatu dituzten ereduekin egindako mugimenduen grabazioak:



 

 1-  Mikel, Eñaut eta Markel -  Automobila



 2-  Aiara eta Amane -  REX  dinosauroa


 3-  Ander eta Aitor - Marrazoa


 4-  Alaitz  eta June  - Femix  karretilla


 5-  Enaitz eta Iker  -  Santa Klaus





2021-03-19

Emakume bertsolariak

      

 


 

  Martxoak 8 ko ekintzei luzapena eman nahian, LH 5 eta 6. mailako ikasleak, Irati Artetxek gidatzen duen  bertso saioan eta bere proposamenari jarraituz, Zarauzko Orokieta Ikastetxe Publikotik Emakume Bertsolarien inguruan jasotako lana aztertu genuen.

      21 emakume bertsolari aurkezten zaizkigu  lan horretan, adin ezberdinetakoak eta gaur egun bertsotan jarduten dutenak. 

     Ezer baino lehen 21 bertsolarien irudiak ikusten jardun ginen, zenbat ezagutzen ote genituen ikusteko. Egia esate aldera, dozena erdi batetik aurrera ez genituen askoz gehiago ezagutu.

    21 bertsolarien fitxak inprimatuta ikasleen artean banatu ondoren, egokitutako bertsolariaren argazkia eta jaiotze urtea inprimatu ondoren, norbere fitxetan itsatsi genituen.

     Fitxa guztiak prestatu genituenean, murala osatu eta sarrera ondoko paretean ipini genuen nahi duzuen guztiok ikusi ditzazuen. 

     21 fitxetako bakoitzak bertsolari horrek abestutako bertso bana bazekartenez, ikasle bakoitzak gehien gustatu zitzaiona aukeratu eta ondoren, gelan, bertso horiek entzun genituen.

       Norbaitek Zarauzko Orokieta Ikastetxe Publikoak osatutako lana ikusteko  gogoa izango bazenute, sakatu "Emakume bertsolariak"  izenburuaren gainean . Ea zuen gustokoa den.

 

Emakume bertsolariak 

 

      Bertsolarien fitxetara iritsitakoan, bertsoa entzun nahi baduzue, sakatu hemen azpian duzuen irudiak erakusten duen ikur gainean.




 

 

 

2021-03-17

ZYBERBULLYING SAIOA

     Joan den ostiralean, martxoak 12, Beñat eta Gorka ertzainak etorri zitzaizkigun  zyberbullyingaren inguruko saioa eskaintzera.


Oso interesgarria izan zen saioa, eta aholku asko eman zizkiguten. Hona hemen horietako batzuk:


-Ordenagailu eramangarrietako kamera beti estalita eduki.


-Pasahitz seguruak erabili: hizki larri eta xehez, zenbakiz eta beste zenbait ikurrez osatua.


-Ordenagailuan bukatzen duzunean, beti itxi saioa. Bestela, etxeko atea irekita uztea bezala izango litzateke, eta edonor sartu ahal izango litzateke.


-Ez eman inori zure datu pertsonalik, eta gutxiago ezezagunei.


-Instagram, Tik tok, Snapchat eta horrelako plataformetan, pribatuan jardun, eta beti ere ezagunekin.


-Ez igo inoiz zure irudirik sarera, nahi duenak edozer egin baitezake irudi  horrekin: moldatu eta edonon jarri.


-Zerbaiten susmoa baduzu, norbait mehatxatzen ari bazaizu, zerbaiten kezka baduzu... hitz egin irakasle edota gurasoekin; beraiek jarriko dute salaketa gero ertzain-etxean.


Internetek abantaila ugari ekarri dizkigu, esaterako, informazioa azkar eta erraz bilatzea, urruti bizi diren gure lagun edota familiakoekin komunikatzea... baina beste ondorio txar asko ere bai!!!



Beraz, eta Beñatek esaten zuen moduan, KLIK EGITEA OSO ERRAZA DA, BAINA GERO KLOK!!!!



ONDO-ONDO PENTSATU SARERA ZERBAIT IGO AURRETIK, ZE ONDORIOAK BELDURGARRIAK IZAN DAITEZKE!!!


LH5-6ko ikasleak