IBON OREGI gure artean

 Apirilaren 18an Ibon Oregi etorri zitzaigun eskolara.

Lehendabizi, bere istripua nola izan zen azaldu zigun: lagun batekin Zumaiatik Getariara korrika zihoala, kotxe batek jo eta hanka galdu zuen. Gaur egun protesia erabiltzen du.

Istripu horren ondorioz, asko aldatu zaio bere bizimodua. Ironman-ak egitetik surf egokitua egitera pasatu da, eta gorputz-hezkuntzako irakaslea izatetik masajista izateko ikasketak egitera pasatu da.

 Gaur egun, gauza asko egiteko laguntza behar du, baina beste asko berak bakarrik egiteko gai da. 

Baina Ibonek ilusio eta bizipoz handia du eta gauza asko erakutsi zizkigun, batez ere hauxe:

ZAILTASUNEN AURREAN, EZ ETSI, ETA AURRERA EGIN! 

Elkarri lagunduz, irribar batekin eta ekinez, aurrera egin daiteke, norbere ilusioak lortzeko borroka egin behar da.

Oso gustura egon ginen zurekin, Ibon, zure kontuak entzuten, zure bizipenak entzuten eta eskerrik asko guregana etortzeagatik! Saio bikaina eskaini zenigun!

Eta eskerrik asko Domusari,  zuen bitartez Ibon Oregi eskolara etortzeagatik.

LH5-6ko ikasleak