2022-02-17

SERIGRAFIA TAILERRA SOREASUN

Aurreko asteartean, hilak 15, Azpeitiko Soreasura joan ginen serigrafia tailer bat egitera. Autobusez jaitsi ginen eta Soreasuko eraikuntza ezagutu ondoren kamisetak serigrafiatzen hasi ginen. Bakoitzak bere kamisetaren irudia serigrafiatu zuen. Txukunak egin genituen! Eskola Txikitako logoa jarri genion gure kamisetei eta denok ahal genuen txukunenak egin genituen. Gero hamaiketakoa parkean egin eta autobusez bueltatu ginen Errezilera.

2022-02-13

EURONET 50X50 PROIEKTUA

    Joan den asteartean, otsailak 8, "Entzun Energiaren Ahotsa" kanpainaren barruan, Borondegin izan zen ekitaldian parte hartu genuen geuk ere, Azkoitiko eta Azpeitiko ikastetxeekin batera.

    Energia aurreztea du helburu Euronet 50/50 proiektuak, eta ikastetxe eta udalek bat eginik lan egiten dute bertan.

    Energia-mahaia osatua dugu, eta baita energia-ibilbidea egina ere Xeberoren laguntzarekin; laster ekintza-plana osatzen hasiko gara, energia kontsumo arduratsuagoa bultzatzeko asmoz.







 

2022-02-10

SANTA ESKEA

Aurreko astean, Santa Ageda eguna ospatu genuen. Errezilgo kaleak alaitzeko asmoarekin atera eta opilez beterik bueltatu ginen eskolara. Irudietan ikusten den bezala, zoragarri pasa genuen eguna!!